Við skjótum þér á loft!
Við smíðum frá grunni og endurlífgum applausnir sem skapa virði fyrir viðskiptavini þína - og samkeppnisforskot fyrir þig.
Domino's - stafrænn leiðtogi á skyndibitamarkaði.
Lyfju appið - einfaldasta og besta leiðin til að versla lyf og heilsuvörur.
Atlantsolía - lætur dæluna ganga hratt með framúrskarandi applausn.
HappApp - hlúðu að andlegri vellíðan og hamingju.
Tökum spjallið
Tökum spjallið
Fyrst af öllu tökum við spjall og förum yfir þínar áskoranir og tækifæri - sem eru hvor endinn á sömu spýtunni. Þú segir frá þínum markmiðum, við segjum frá okkar nálgun og reynslu. Við finnum út úr því hvernig við getum best hjálpað þér að taka flugið.
Skilgreinum
Skilgreinum
Við höldum kröftugar vinnustofur í anda Google Design Sprints. Þar köstum við á milli okkar hugmyndum í skapandi flæði. Notendarannsóknir eiga líka heima hér. Því næst skilgreinum við vandlega þá virkni sem viljum að lausnin hafi í fyrstu útgáfu - og gerum þróunaráætlun til framtíðar.
Prótótýpa
Prótótýpa
Niðurstöður úr vinnustofum eru nýttar við gerð prótótýpu. Sérfræðingar okkar hafa mikla reynslu af smíði prótótýpa, sem gefa góðan smjörþef af endanlegu útliti og virkni appsins. Prótótýpan er unnin í Figma sem þú færð beinan aðgang að til endurgjafar.
Hönnun
Hönnun
Samþykkt prótótýpa fer í lokahönnun hjá hönnuðum okkar, sem færa lausnina í endanlegan búning. Hönnuðir okkar hafa hannað margar framúrskarandi applausnir þar sem notendaupplifun er ávallt í fyrsta sæti.
Þróun
Þróun
Þegar lokahönnun liggur fyrir taka forritarar okkar við keflinu. Við samstillum forritun í fram- og bakenda til að tryggja rétta og hnökralausa virkni. Að lokum gerum við ítarlegar úttektir og prófanir. Niðurtalningin hefst en engu er skotið á loft nema allt virki rétt.
MVP
MVP
Það er mikilvægt að koma appinu sem fyrst út á markað og nýta endurgjöf notenda til áframhaldandi þróunar. Við skjótum á loft lausn sem gerir strax mikið gagn fyrir þína viðskiptavini en skilgreinum líka næstu skref í þróun appsins.
,„Við höfum átt gott samstarf við okkar félaga hjá Apparatus í vegferðinni okkar að því að einfalda fólki lífið. Það hefur verið lærdómsríkt ferli að þroskast saman með það markmið að veita framúrskarandi upplifun fyrir okkar viðskiptavini í gegnum stafrænu lausnirnar okkar.”
Karen Ósk Gylfadóttir
Sviðsstjóri stafrænna lausna og markaðsmála
,„Teymið hefur sýnt mikinn metnað í að sökkva sér í umhverfið okkar til að þróa með okkur lausn sem varpar flóknum ferlum við lyfsölu fram á einfaldan hátt en alltaf með viðskiptavininn í forgrunni.”
Þorvaldur Einarsson
Tækni- og þróunarstjóri
Hverjir eru apparatus?
Reynslumikil áhöfn bíður þín!
Apparatus er fyrirtæki sem byggir á traustum grunni sérfræðinga sem hafa áratuga reynslu í þróun metnaðarfullra tæknilausna fyrir kröfuhörðustu fyrirtæki og stofnanir á landinu.
